Arya Samajam Kerala – Official | आ नो भद्राः क्रतवो यन्तु विश्वतः

ബ്രഹ്മാണ്ഡത്തെയും പിണ്ഡാണ്ഡത്തെയും ഭരിക്കുന്ന ഏകാത്മതത്വബോധനമാണ് ഉപനിഷത്ത് ചെയ്യുന്നത് എന്നു പറഞ്ഞു കഴിഞ്ഞു. ഉപനിഷത് പഠനത്തിൽ ഇന്നു നിലനിൽക്കുന്ന ചില അഭിപ്രായഭേദങ്ങളെയും ഇവിടെ സ്മരിക്കാതെ വയ്യ.

ബ്രഹ്മം അഥവാ ഈശ്വരൻ സച്ചിദാനന്ദ സ്വരൂപനാണ്. പ്രകൃതി, പുരുഷൻ, പരമാത്മാവ് എന്നീ മൂന്ന് മൂലതത്ത്വങ്ങൾ അനാദിയാകുന്നു. അതായത് പ്രകൃതിയെന്ന സത് , സത് ചിത് ഇവ ചേർന്ന ജീവാത്മാവ് , സത് ചിത് ആനന്ദം ഇവ ചേർന്ന പരമാത്മാവ്. ഇവക്കു മുന്നിനും ആദിയും അന്തവുമില്ല. ഇവയെക്കുറിച്ചുള്ള വിവേകമാണ് ഈശ്വരസാക്ഷാൽക്കാരത്തിലേക്ക് മനുഷ്യനെ നയിക്കുന്നത് ഇതാണ് ഉപനിഷത്തുകളുടെ ലക്ഷ്യവും.

കർമ്മജ്ഞാന സമന്വയവും അക്ഷരബ്രഹ്മ വിവേകവും നിറഞ്ഞ ഉപനിഷത്തുകൾ മനുഷ്യനെ പരമപുരുഷാർത്ഥമായ മോക്ഷത്തിലേക്കു നയിക്കുന്ന മന്ത്രവ്യാഖ്യാനങ്ങളാണ്. പ്രാമാണികവും അപ്രാമാണികവുമായ നൂറ്റമ്പതോളം ഉപനിഷത്തുകൾ ഇന്നു ലഭ്യമാണ്.അതിൽ പത്തുപനിഷത്തിനെ കുറിച്ച് മുക്തി കോപനിഷത്ത് പ്രകീർത്തിക്കുന്നു