Arya Samajam Kerala – Official | आ नो भद्राः क्रतवो यन्तु विश्वतः

ആപ്തൻ “യഥാർത്ഥവക്താവും ധർമ്മാത്മാവും എല്ലാവരുടേയും സൗഖ്യത്തിനായി പ്രയത്നിക്കുന്നവനുമായവനേ ആപ്തൻ എന്നു വിളിക്കുന്നു.” (സത്യാർത്ഥപ്രകാശം, സ്വമന്തവ്യാമന്തവ്യപ്രകാശ:, പേജ്: 558)

ഉപാദ്ധ്യായൻ “വേദങ്ങളുടെ ഭാഗങ്ങളേയോ അംഗങ്ങളേയോ പഠിപ്പിക്കുന്നയാൾ.” (സത്യാർത്ഥപ്രകാശം, സ്വമന്തവ്യാമന്തവ്യപ്രകാശ:, പേജ്: 558)

പുരോഹിതൻ “യജമാനന് ഹിതകാരിയായ സത്യോപദേശം നൽകുന്നവൻ.” (സത്യാർത്ഥപ്രകാശം, സ്വമന്തവ്യാമന്തവ്യപ്രകാശ:, പേജ്: 558)

ഗുരു “മാതാപിതാക്കളും, സത്യത്തെ ഗ്രഹിച്ച് അസത്യത്തെ പരിത്യജിക്കുന്നവനുമാണ് ഗുരു എന്നുപറയുന്നത്.” (സത്യാർത്ഥപ്രകാശം, സ്വമന്തവ്യാമന്തവ്യപ്രകാശ:, പേജ്: 558)

ആര്യൻ “ശ്രേഷ്ഠരായ വ്യക്തികൾക്ക് ആര്യൻ എന്നും ദുഷ്ടൻമാർക്ക് ദസ്യു എന്നും പറയുന്നതിനെ ഞാനും അംഗീകരിക്കുന്നു.” (സത്യാർത്ഥപ്രകാശം, സ്വമന്തവ്യാമന്തവ്യപ്രകാശ:, പേജ്: 558)

യജ്ഞം “പണ്ഡിതൻമാരേ സൽക്കരിക്കുക ശിൽപ്പവിദ്യ, രസായനവിദ്യ, പദാർത്ഥവിദ്യ എന്നിവയ്ക്ക് അനുയോജ്യമായവ ചെയ്യുക, വിദ്യാദി ശുഭഗുണങ്ങളുടെ ദാനം, അഗ്നിഹോത്രം തുടങ്ങിയവയാൽ വായു, വൃഷ്ടി, ജലം, ഓഷധികൾ എന്നിവയെ ശുദ്ധീകരിച്ച് എല്ലാ ജീവജാലങ്ങൾക്കും സുഖം പ്രദാനം ചെയ്യുക എന്നിവ ഉത്തമമായവയായി അംഗീകരിക്കുന്നു.” (സത്യാർത്ഥപ്രകാശം, സ്വമന്തവ്യാമന്തവ്യപ്രകാശ:, പേജ്: 558)

സംസ്ക്കാരം “ശരീരം, മനസ്സ്, ആത്മാവ്, എന്നിവയേ ശ്രേഷ്ഠമാക്കിവെക്കുന്നതെന്തോ അതാണ് സംസ്ക്കാരം.” (സത്യാർത്ഥപ്രകാശം, സ്വമന്തവ്യാമന്തവ്യപ്രകാശ:, പേജ്: 557)

പുരുഷാർത്ഥം പ്രാരാബ്ധത്തേക്കാൾ ഉയർന്നത് “സഞ്ചിത പ്രാരാബ്ധം ഉണ്ടാകുന്നതും ഏതൊന്ന് ശുദ്ധമായി തീർന്നാൽ സർവ്വതും ശുദ്ധമാകുന്നതും തകർന്നാൽ സർവ്വതും തകരുന്നതുമാണ് പുരുഷാർത്ഥം. അതിനാൽ പുരുഷാർത്ഥം പ്രാരാബ്ധത്തേക്കാൾ ഉന്നതമാണ്.” (സത്യാർത്ഥപ്രകാശം, സ്വമന്തവ്യാമന്തവ്യപ്രകാശ:, പേജ്: 557)

തീർത്ഥം “ദുഖസാഗരം തരണം ചെയ്യാനുതകുന്ന സത്യഭാഷണം, വിദ്യ, സത്സംഗം, യമാദി, യോഗാഭ്യാസം, പുരുഷാർത്ഥം, വിദ്യാദാനം, മുതലായ ശുഭകർമ്മങ്ങൾ എന്നിവയേ തീർത്ഥമായി കണക്കാക്കുന്നു. അല്ലാതെ ജലാശയങ്ങളേയും സ്ഥലങ്ങളേയുമല്ല.” (സത്യാർത്ഥപ്രകാശം, സ്വമന്തവ്യാമന്തവ്യപ്രകാശ:, പേജ്: 557)

ശിക്ഷണം “വിദ്യ, സഭ്യത, ധർമ്മാത്മത, ജിതേന്ദ്രിയതാ തുടങ്ങിയവയെ വൃദ്ധിപ്പെടുത്തി അവിദ്യാദി ദോഷങ്ങളെ പരിത്യജിക്കുന്നതാണ് ശിക്ഷണം.” (സത്യാർത്ഥപ്രകാശം, സ്വമന്തവ്യാമന്തവ്യപ്രകാശ:, പേജ്: 557)