Arya Samajam Kerala – Official | आ नो भद्राः क्रतवो यन्तु विश्वतः

ഒരു ദശാബ്ദത്തിലധികമായി പ്രസിദ്ധീകരിച്ചുവരുന്ന ദയാനന്ദ സന്ദേശം വൈദിക ദാർശനിക മാസികയുടെ (ആര്യസമാജത്തിൻ്റെ മലയാളം മുഖപത്രം) 2023 ഫെബ്രുവരി ലക്കം വിതരണത്തിന് തയ്യാറായിരിക്കുന്നു. വായിക്കുക…….വരിക്കാരാകുക…….പ്രചരിപ്പിക്കുക…….. വരിക്കാരാകുവാൻ ഇതോടൊപ്പം കൊടുക്കുന്ന QR code scan ചെയ്ത് വരിസംഖ്യ അടക്കാവാവുന്നതാണ്.വരിസംഖ്യ അടച്ചതിൻ്റെ screen shot താഴെ കൊടുത്ത നമ്പറുകളിൽ ഒന്നിലേക്ക് whats app ചെയ്യുക. 9497525923, 8590598066, 9446575923

25 -ാം വിവാഹവാർഷികം ആഘോഷിക്കുന്ന അഡ്വ. ടി. ഗോപാലകുട്ടി, ശ്രീമതി. പ്രീത. വി. പി. ദമ്പതികൾക്ക് വേദഗുരുകുലം മംഗളാശംസകൾ നേരുന്നു. വിവാഹവാർഷികത്തോടനുബന്ധിച്ച് ഇന്ന് (07.02.2023) ചൊവ്വാഴ്ച കാലത്ത് വേദഗുരുകുലത്തിൽ വിശേഷാൽ യജ്ഞവും ഉണ്ട്. ഇരുവർക്കും ഒരിക്കൽ കൂടി എല്ലാവിധ ആശംസകളും നേരുന്നു. പരമാത്മാവ് ഇവർക്കും കുടുംബത്തിനും ദീർഘായുസ്സും ആയുരാരോഗ്യസൗഖ്യവും നൽകട്ടെ എന്ന് പ്രാർത്ഥിക്കുന്നു.🙏 TEAM VEDA GURUKULAM, KARALMANNA

നമസ്തേ, എല്ലാ മാസവും ചിട്ടയോടെ നടന്നു വരുന്ന ശ്രൗതയാഗങ്ങളുടെ മൂലരൂപമായ പൗർണമാസേഷ്ടി നാളെ 06.02.2023 തിങ്കളാഴ്ച കാലത്ത് 9 മണിക്ക് വേദഗുരുകുലത്തിൽ വെച്ച് നടക്കുന്നു. ഈ വിശേഷ യജ്ഞത്തിലേക്ക് എല്ലാ ധർമ്മബന്ധുക്കളെയും സാദരം ക്ഷണിക്കുന്നു. വർണ്ണ – ലിംഗ വ്യത്യാസം ഇല്ലാതെ എല്ലാവർക്കും ഈ ലോകമംഗളകാരിയായ യജ്ഞത്തിൽ പങ്കെടുക്കാവുന്നതാണ്.

ശ്രീ. നാരായണൻ എംബ്രാന്തിരിയുടെ 73-ാം ജന്മദിനത്തോടനുബന്ധിച്ച് ഇന്ന് (04.02.2023) ശനിയാഴ്ച കാലത്ത് വേദഗുരുകുലത്തിൽ പ്രത്യേക യജ്ഞവും പിറന്നാൾ സദ്യയും ഉണ്ട്. അദ്ദേഹത്തിനും കുടുംബത്തിനും എല്ലാവിധ ആശംസകളും നേരുന്നു.ഏവർക്കും പരമാത്മാവ് ദീർഘായുസ്സും ആയുരാരോഗ്യസൗഖ്യവും നൽകട്ടെ എന്ന് പ്രാർത്ഥിക്കുന്നു. 🙏 TEAM VEDA GURUKULAM, KARALMANNA

വേദഗുരുകുലത്തിൽ ശ്രീരുദ്രമന്ത്രങ്ങളുടെ ആഹുതിയോടുകൂടിയ ഒരു വിശേഷയജ്ഞവും ഭജനസന്ധ്യയും നടത്തുന്നുണ്ട്. പ്രദോഷസന്ധ്യയിൽ ലോകമംഗളത്തിനായി വിശേഷയജ്ഞം അനുഷ്ഠിക്കുന്നത് ഉത്തമമാണ്. ശിവൻ മംഗളകാരിയായ പരമാത്മാവാണ്. രുദ്രൻ ശത്രുക്കളെ കരയിപ്പിക്കുന്ന പരമാത്മാവിൻ്റെ മറ്റൊരു പേരാണ്. പ്രദോഷ സമയത്ത് മംഗളകാരിയും ശത്രുനാശകനുമായ പരമാത്മാവിനെ സ്മരിക്കുകയും അദ്ദേഹത്തിൻ്റെ ആ ഗുണങ്ങളെ വർണ്ണിക്കുന്ന വേദസൂക്തങ്ങളായ ശ്രീരുദ്രം (യജുർവേദം പതിനാറാം അധ്യായം) തുടങ്ങിയ വിശേഷസൂക്തങ്ങളാൽ യജ്ഞമനുഷ്ഠിക്കുന്നത് ഉത്തമമാണ്.പ്രദോഷ നാളിൽ കാറൽമണ്ണ…

സ്വാതന്ത്ര്യസമര സേനാനിയും ആര്യസമാജത്തിന്റെ സമുന്നത നേതാവും ആദ്യമായി ഒരു സ്വദേശി ബാങ്ക് (പഞ്ചാബ് നാഷണൽ ബാങ്ക് ) രൂപീകരിക്കാൻ മുൻകൈ എടുത്ത പഞ്ചാബ് കേസരി എന്നറിയപ്പെടുന്ന മഹാത്മാവുമായിരുന്നു ലാലാ ലജ്പത് റായ്. പ്രശസ്തമായ ലാൽ – ബാൽ – പാൽ ത്രയത്തിലെ ഒന്നാമൻ. അദ്ദേഹത്തിന്റെ ജന്മദിനത്തിൽ എല്ലാവർക്കും ആര്യസമാജം കേരള ഘടകവും കാറൽമണ്ണ വേദഗുരുകുലവും ആശംസകൾ നേരുന്നു. 🙏…

ഭാരതം 74 ആം റിപ്പബ്ലിക് ദിനം ആഘോഷിക്കുന്ന ഈ വേളയിൽ രാജ്യത്ത് ഇന്ന് നിലനിൽക്കുന്ന രാഷ്ട്രീയ – സാമൂഹ്യ അന്തരീക്ഷം ദേശസ്നേഹികളെ ഏറെ ആശങ്കാകുലരാക്കുന്നതാണ്. അനേകായിരം ധീര സ്വാതന്ത്ര്യസമര സേനാനികൾ സ്വജീവിതം ആഹുതിയായി നൽകി നേടിയ നമ്മുടെ സ്വതന്ത്ര ഭാരതം ഇന്ന് അകത്തു നിന്നും പുറത്തുനിന്നും ഏറെ വെല്ലുവിളികൾ നേരിട്ടുകൊണ്ടിരിക്കുന്നു. കൊളോണിയൽ ശക്തികൾ നൂതനമായ തന്ത്രങ്ങളിലൂടെ നാട്ടിൽ അസ്വസ്ഥത…